ایسته لیکلریم

   1983-أیل نینگ قیشی ایدی. کوندوزی توش ساعت(1- دن کیچقرون7)گچه      درسده بؤله میز.مسلکی درسلردن تشقری ینه بیرقطار فنلراؤقیتیلردی.علمی اته یزیم، علمی کمونیزم، روحیاتشناسیک،منطق،فلسفه،ساویتلرتاریخی،اؤزبیکستان تاریخی  وینه بیر قنچه فنلر. راستی گپ،اؤقیش نهایتده آغیر. تینکه نی قوروتیش درجه سیده.اؤقیتوچپیلریمیز راسه طلبچن ایدیلر. اؤقیشلرقنچه لرآغیر بؤلیشیگه     قره مسدن، بَری بیر مراقلی اؤتردی.کوز فصلی.ایرته لبدن اؤزبیکستان ساویت سوسیالستیک جمهوریتی نینگ پریزدینتی شرف رشیداف عالمدن کؤز یومگنی   خبری ترقه لدی. آسایشته یشب کیله یاتگن جمعیتده بوخبر قیغولی قبول قلیندی. اؤقیتوچیلریمیز بیزنی هم ایل قطاری شرف رشیداف بیلن وداعلشیشگه آلیب کیتیشدی. خلقلر دؤستلیگی سرایی نینگ کیره ویریش ایشیگیده رشیداف نینگ جسدی قؤیلگن ایدی. تومنات شهرلیکلر بیرین- کیتین رشیداف جسدی آلدیدن اؤتیشردی.اؤشنده کؤرگنیم.شرف رشیدافگه اؤزبیکچه کؤک چاپان کیدیریلگن ایدی. قاره تؤرت بورچک دِپپی کیگن رشید اف نینگ سؤلغین جسدینی کؤریب کؤنگلیمیز بوزیلدی. اوزمانلر مرحوملرگه جنازه اؤقیلمس ایدی.کمونستچه سیگه کؤمیلردی. بیرار- بیر کمونستگه مسلمانچه سیگه جنازه اؤقیب کؤمیش منع قیلگن ایدی.     بوندن باش تارتگن کیشیلرآغیر جزاگه یوزمه- یوز کیلردی. شونده ی قلیب شرف رشیداف بیلن وداعلشدیک. اؤزبیک جمعیتیده شرف رشیداف نینگ سیاسی    موقعیدن کؤره اونینگ یازوچیلیگی  استونلیک قیلیب توراردی. اؤشنده،رشیداف     نینگ اؤلومی بیلن بیرگه میش-میش خبرلرهم ترقلدی. ایشیتمیشلرگه قره گنده، اؤشه أیلی رشیداف مسکوگه آلتی میلیون پخته یتکزیب بیره آلمه گن،روسیه گه جؤنتیلگن پخته دن توپراق چیقیب قالگن. شو باشقه سببلریوزه سیدن رشیداف جانیگه سوی قصد قیلیگن...

آره دن بیر-إیککی آی اؤتیب ساویتلرحکومتی نینگ ریسی ولادیمرایلیچ بریژنیف      هم وفات قیلدی. بو إیککی واقعه بوتون مملکت حیاتیگه هیچ قنده ی تاثیرقیلمه گندی.حیات بیر مرامده قیزغین داوم ایترایدی.

اؤزبیکستانده گی تینچ- آسایشته لیککه خله خت بیره یاتگن حادثه لرهم بار ایدی. اوهم بؤلسه،حکومت طلبه لرنی یاپه سیگه مامیق تیرگنی پخته دله لریگه سوروب هیدردی. بیچاره قیزلر،باله لرخوددی اوروشگه کیتگنده ی آغیر محنتگه سفربر قیلنردی. ساویتلیکلر اوچون اؤقیشلرتؤخته تیلیب،اونینگ  اؤرنینی«همّه یخته گه!»شعاری ایگللب آلردی.

 بیز چیت ایلیکلر درسمیزنی دوام ایتتیره ر دیک. شو آره ده بیزنی هم بیر مرته بؤلسین پخته دله لریگه آلیب باراردی. بیچاره طلبه لر چیکه یاتگن عذاب،عقوبت         و قاره محنتنی گپیریب بیریشگه قلم یورمیدی.شوذیل اؤزبیکستان فرزندلری      إیککی-اوچ آی چمه سی  پخته دله لریده قاره یب،کؤکریب،جان بیریب،جان آلیب محنت قیلیشردی. بواؤزی بیردنیا داستان دیسک مبالغه بؤلمس.اؤزبیکستاندیک بیرجمهوریت،شورالر حکومتیگه بیش میلیون تن آق آلتین یتیشتیریب بیرگن.       بونینگ اؤزی بؤله می دیسیز! بیریلگن پخته،آلتین وباشقه خام اشیا عوضیگه اؤزبیکستانگه اقتصاد وصناعت بؤییچه آزاولوش بیریلگن. بولرنی سیاست دیب       قبول قلمسلیگینگیزنی التماس قیلگن بؤلردیم.چونکه،بومنظره هم                       بیزیشه گن محیط ودورنینگ بیرقیافه سی ایدی...دوامی بار

ایسته لیکلر

اؤشه إیلی بیرینچی کورسده اؤقیشنی دوام ایتتیردیک.باشده مضمونلرکیریل الفباسیده بؤلگنی اوچون اؤقیشگه انچه قیینلدیک.هرکون اؤتیلگن درس بؤییچه، اؤقیتوچیلر یمیز جوده کؤپ اوی وظیفه و تاپشریقلربیراردیلر.کورس إیشلرینی قیلیش اوچون کتابخانه لرگه باش اوروش کیره ک بؤلردی.رهبریت باشلرده بیزنی  اؤزبیکستانلیک قیز-باله لرگه بیریکتیریب قؤیشدی. مقصد تیلنی اؤرگنیش هرکونگی سباقلرنی بیرگه لیکده اؤزلشتیریب باریش ایدی. دامله لر بیزدن تیز-تیز خبرآلیب توریشردی .اولر یاردمینی ایه شمسدی.اؤزیمیزنی هیچ هم بیگانه حس قیلمسدیک.کلاسگه دوکتور،پرفیسوردامله لر سلام بیریب کیریشردی.استادنینگ احترامیگه طلبه لر جایدن توریشردی.بو اؤشه جمعیتده قبول قیلینگن اخلاق وقدریت ایدی.۸۰ یاشلر اطرافیده،دالیم اف دیگن کیکسه دامله میز بارایدیلر.اولر ایسکی یازوّدن درس اؤتردیلر.قریچیلیک،حوصله لری  قالمگنی باعث بیرآز اچیق قیلردیلر.عرب یازوینی بیلگنیمیزاوچون«ایسکی یازو»درسیگه کیرمس ایدیک.بیرکون دامله میزکلاسگه کیریشی بیلن«اوغان اؤرتاقلرقنی؟»-دیب سوره دیلر.بو گپ بیزنینگ کؤنگلیمیزنی بیرآز رنجیده قیلدی.حرمت یوزه سیدن هیچ نرسه دیمه دیک.اما،کورس داشلرگه آبدان توشونتیردیک:

- بیزاوغان ایمسمیز،بیز اؤزبیک میز،اوغان باشقه خلق،دیب.هرنه باشقه دامله وکورسداشلریمز بیزنی یخشی بیلیشردی.اولراؤزبیک بیلن اوغان نی معنا تاماندن فرقله ی آلیشردی.کیینگی کورسلرده محسن اکه دیگن دامله :«بو نیگه بونده ی قدیم مبعلرده پشتون دیگن سؤز اوچره میدی-کو!«بابرنامه»-ده هم یوز مرته دن کؤپراق اوغان دیب تیلگه آلینه دی؟ ای بو انگلس نینگ فتنه سی»-دیرایدی رحمتلی دامله.روسلرنینگ استیلاسیدن إیچی تؤله درد ایدی.

باشقه تاماندن هرقدمده ساویت دولتیگه ائنیقسه لینینگه«حمدو ثنالر»ائتیله دیگن زمانلر.ساویتلرتوزومی آدملرگه بی ملال نفس ایرکینلیگی بیرگن.تینچلیک، ارزانچیلیک، تؤقلیک،بای- کمبغال، شهر-قیشلاق اؤرته سیده گی تفاوتلرحل قیلینگنده ی کورینردی.تؤی- تماشالر کیتی اوزیلمس ایدی.اچینرلی جایی،آدملر إیچکیلیککه کؤپ رجوع قؤیشگندی. یؤلک و اریقلر بؤیده مست-الست آدملر آغه نب یاتیشردی.باشقه تاماندن انسانلرهمه سی تؤغری سؤزلیک،صمیمی و صادق لیگینی شونده ی بیلیب آلسه بؤلردی.ساویتلر مفکوره سی تینیمسزپروپاگند قیلینر،کپیتالیزیمگه لعنتنامه لر ائتیش کونده لیک عادت توسنی آلگن زمانلرایدی.خداسیزلیک زمانی، بوتون جمعیت کمونستیک روحده تربیه تاپگن.سیاستدن سؤز آچیب بؤلمیدی. بیز- قیزباله لر-کو،سیاستگه قیزیمه گنمیز.آدملرآره سیده دینگه قیزیقیش بارلیگنی بیلسه بؤلردی.عادی عربچه خط لرنی یردن تاپسه لرهم کؤزلریگه سورتیشردی بعضی قریه لر.اؤشه پیتلر تورموش اؤرتاغیم بیلن بیرته نیشمیزنینگ اویگه باردیک.آتلری اؤکتم اکه. ساده کیشی ایدی.کوچه ده کتاب ساتردییلر.خاتینی ایسه فرّاش. باله لری جوده یم عقللیک وصنعتکار باله لر ایدیلر.اؤکتم اکه اؤشنده بیر لطیفه ائتیب بیرگنی شونده ی ایسمده توریبدی. اؤکتم اکه نینگ اوییده میز او کیشی نینگ ائتیشیچه:

                                    (لطیفه)

الـله قیسی دولتدن بیرإیت(کوچوک)قارنی آچلیکدن رمقی جان بؤلیب،ساویتلر ممالکتیگه اؤتمچی بؤلیب،بیر تؤییب اوقتلنماقچی بؤلگن ایکن،چیگره گه کیلگن إیتدن باجخانه خدملری  نیمه اوچون کیلگنینی سؤره شیبدی. شونده إیت:

- وطنیمده آش-اوقتدن قارنیم هیچ هم تؤمه دی.کمبغلیک جانیمگه تیگیب کیتدی.سیزنینگ مملکتینگیز تؤق،معمورچیلیک، دیب ایشیتدیم.رخصت بیرسنگیز بیرباریب اؤشه یاقلرده  تؤییب اوقتله نیب قیتسم،-دیبدی کوچوک. إیتگه چیگره چیلررخصت بیریشیبدی.کوچوک راسه یوریب – ائله نیب،تؤییب اؤقاتله نیبدی.سؤنگ قیتیب چیگره گه کیلیبدی کوچوک.چیگره چیلر:

«قنده ی یخشی تؤییب اوقتلندینگیزمی؟»-دیه إیتدن سؤره بیدی. إیت بؤلسه،چیگره چیلرگه شونده ی جواب قیلبدی:

-هه!مملکتینگیز جوده بای و آباد ایکن. یخشی تؤییب اؤقتلندیم،امّا، بیر تؤییب آواز چیقریب هولی آلمه دیم- دیب جواب قیلیبدی کوچوک.

دوامی بار.

                                                  آیسته لیکلریم

1983-إینچی أیلی کوز فصلی ایدی.بختیاروطن اؤزبیکستان نینگ مصفا تانگلریده بر وقت توریب، آچیق هوادن تؤیب- تؤیب نفس آلمه من. درختلرنینگ قیزل- سریق یپراغلری شیتیرلگنچه یرگه توشر،شودرینگلربؤلسه  زرحل برگلراوزره مولدیرب تورردی.ترنوای ،تریلیبوس،میتر وباشقه ینگیل افته اولاولرکبی ترانسپورت واسطه لری ایرته لب،تونگی ساکنلیکنی بوزیب حرکتله نردی. یوزلب اؤغیل- قیزباله لر،تورنه دیک تیزیلیشیب،انستیتوت،اونیورسیتلرگه یؤل آلگن بیر پیتلر.اؤزبیکچه اطلس کیگن قیزلرباشقه لریدن اجره لیب توراردی. مین اوچون همّه نرسه ینگیلیک ایدی.        تیزده کورسداشلر بیلن تیل تاپیشیب، اؤرتاق بؤلیب آلیشدیک.طلبه لرنینگ بیر- بیریگه التفات بیلن حال-احوال سؤره شیب،هزیل-هوزیل قیلیشلریدن سوینیب کیته من. کؤزه ل آنه تیلده سؤزله شیشگه نیمه یتسین.اویرده گی هر بیر نرسه- حادثه نی توغیلگن یورتیمده گیلرگه سالیشتیره من. بو خدا قرغگن توپراغنی اؤخشش جایینی تاپه آلمیمن. یخشی تاماندن اؤخشه یدیگن نرسه نینگ اؤزی یؤقده ی نظریمده.امّا،  تاپگنیم اؤخشه یاتگن  بیردن- بیرنرسه،اؤزبیکچیلیک بؤلدی. اوغانستانده اؤزبیکلرخوار،دربدر، اؤزلیگیدن اجره لیب تیللری بوزیلیب بارماقده ایدی. اؤزبیکستانده ایسه،اؤزبیکلر بختیاریه شر ایدیلر اؤشه کون نینگ کؤزی بیلن قره گنده. راستدن هم،تؤقلیک،تینچلیک،تینگلیک بارایدی- ده.حیاتیدن نالیگن اؤزبیکنی کؤرمه گنمن. بیراق،آزادلیک هواسی یتمه گنینی بیرإیککی لطیفه دن ایشیتیب قالگندیم .         اونی کیین راق گپیریب بیرارمن.

بیز توره دیگن جای نینگ نامی طلبه لر شهرچه سی دییله ردی. تؤرت،تؤققیز        قه وَت یاتاق خانه لر.اده شمه سم سکسانته(80) دولتدن طلبه لر اؤقیشگه کیلگنلرتاشکینتگه.درسلر باشلنگن،اؤقیش نینگ بیرینچی کونی ایدی.اونویرسیتیت نینگ ایشیگیدن کیره ویرشده،قؤلیده جریده اوشلب تورگن ساوتلر دولتی نینگ اساسچیسی لینین  نینگ صلابتلی هیکلی قد کؤتریب توراردی. راست گپ،سیاستنی اونچه لیک توشونمه گنمن.اونویرسیتیتگه کیره ویریشده کتته حرفلربیلن اؤزبیک تیلیده«خوش کیلیبسیز»-دیب یازیلگن سؤزلرکیشی نینگ   دقتنی اؤزیگه تارتردی. جفاکش آنه تیل جاذبه سی بؤلسه کیره ک،کؤزیگه بیر هم یاقیملی کؤرینردی اؤشه یازوّلر.کورسداشلربیلن قؤشیلیشیب،تؤرتینچی قه وَتگه کؤتریلدیک. اؤشه کونی اؤزبیک تیلی وادبیّاتی فاکولته سیگه باریب،کلاسده درس  هم تینگله دیک. بیزاوغانستاندن بیش کیشی طلبه  بیرکورسده اؤقیردیک.     رحمتلی محمّد افضل کوه گرد(میمنه دن)خیرمحمّد چاوّش(سرپلدن)،محمّد صابرعندلیب(سرپل) ذ.إیشانچ (مینینگ عمر یؤلداشیم). بیرکورسده آلتمیش کیشی ایدیک.کیزی بیلن اجازه ت بیرسنگیز، بیرینچپی کورسده بیزنی اؤقیتگن دامله لریمیزنی هم  ته نیشتیرسم:

- اؤزبیک ممتاز ادبیإتیدن رحمتلی ستـــّـاراکه،10-14عصرلرادبیّاتیدن درس بیراردیلر.

- تیلشناسلیککه کیرش فنیدن ایریستای اکه و او کیش نینگ اعیالی راضیه آپه،

- لهجه شناسلیکدن میرعزیزاکه(فن دوکتوری)،

- فلکلورشناسلیکدن رحمتلی نادراکه(پروفسور)،

- اؤزبیک ساویت ادبیّتیدن عمرعلی اکه،(فن کانداتوری)

- شوری خلقلری ادبّاتیدن نورالله اکه(دوکتور)،

- جهان ادبیآتیدن  فیضی یوه(اسملری؟-فن کاندیداتوری)

- معیاری تیل بؤییچه  فراغت آپه،(پروفیسور)

-ایسکی یازودن ایسه، اولوغبیک اکه(فن کاندیداتوری)،درس اؤترایدیلر.

اؤقتوچیلرنینگ فامیلییه سی وعلمی درجه سینی اته ین  یازیب اؤتیرمه دیم. شونینگدیک،بیرینچی کورسده روس تیلی وینه بیرقطار قؤشیمچه  فنلرهم کیریتیلگندی.اولرنی گپریب بیریشگه ضرورت بؤلمه سه کیره ک. یؤقاری کورسلرگه کؤتریلگن سری،ینگی مضمونلرقؤشیلیب،دامله لرهم ینگیله نیب توراردی.      درسلرهم راسه اغیرله شیب باردی.

 دوامی بار...

زهرا.إ‌یشانچ

                                          إیسته لیکلریم

شو کونی دوگانه لریم بیلن طیاره گه چیقدیک وتاشکینت گه اوچیب کیتدیک.         بــیر یریم ساعت دیگنده خلق ارا تاشکینت هوا قؤنلغه سیگه کیلیب قؤندیک.      طیاره دن توشرکنمیز، باجخانه تامان یؤل آلدیک.باجخانه مامورلری                     بیرمه-بیربکسلریمیزنی تیکشیردی.بوتیکشیریش و تینتاولردن شونی توشوندیم    که،ساویت دولتی اوچ نرسه دن قؤرقرایکن.بیزدن تیکشیروچیلرنینگ سؤراقلری    منه بونده ی ایدی:

۱- سیزلرده امریکا دالری بارمی؟  

2- اؤزینگیز بیلن قرآن آلیب کیلگن میسیزلر؟

3- نشه، قاره داری یؤقمی سیزلرده؟

بیزنینگ جوابیمیز طبعی که یؤق، ایدی.ائنیقسه،قیزباله ده نیمه قیلسین بولر؟     بوندن تشقری چیت ایلده ایشلب چیقه ریلگن،«ادیداس»،کاوبایی پطلون،گزلمه لر،خلص بیلدیک کی، ساتیب پولـله نیشی ممکن بؤلگن همه نرسه لرنی،ساویت دولتیگه آلیب کیریش قته غان قیلینگن ایکن.فقط اؤزینگ اوچون کیره ک بؤله دیگن کییم وبؤیوم لرنیگینه الیب کیریشگه رخصت بیریلردی. آرتیقچه سینی باجخانه مامورلری آلیب قالر ایدی ،یعنی،مصادره قیلرایدی.خلص شونده ی قیلیب بیزلرنی کوتیب آلوچی اداره خادملری،چیت ایل لیک طلبه لرگه تیگیشلی یاتاقخانه گه    باشلب کیلیشدیلر.سرویس ایچیدن شهرنی قنچه لیک گؤزه ل لیگینی تماشا قیلیب،قوانچیمیز إیچیمیزگه سیغمسدی.قؤغیرچاغدیک،آبادان،تینچ-آسایشته جنت مکان یورتنی کؤریب،یر یوزیده شونده ی اولکه بؤلرکن-هه،-دیب قؤییشردیک دوگانه لراؤزارا.آدملر بیره م ساده-صمیمی،مهربان ایدیلر. بیزنی اولرخوددی قیزیل سیاره دن توشگندیک قبول قیلیشردی.سوال بیریب چرچه مس ایدیلر.ائنیقسه مین اؤزبیک    بؤلگنیم اوچون قریه کمپیرلر«نوایی وبابر یورتیدن مزارباسیب کیلگن باله م دن اؤرگیلی-هه! آنه دیگن سؤزلرینگدن باله م»دیب التفات کؤرسه تگن-کؤرستگن.

اؤزیمنی خوددی ایرتکلرمملکتیگه توشوشیب قالگندیک حس قیلرایدیم.         ومملکتده گی آلتی إیل اؤتگن سرگذشلریم نینگ بعضی نقطه لریگه ینه قیترمن. تاشکینتده بیرإیل تیارلاوکورسینی اؤقیدیک.إیککینچی إیلیمیزایدی.آته-آنه نینگ دیدارینی کؤریشگه وطنگه باریب کیلدیدیک....کیچیکیب راق باریبمن تاشکینتگه.   اؤشه کونی ایرته سی لینن نامیده گی تاشکینت دولت اونویرسیتیسی نینگ،   اؤزبیک تیلی وادبیّاتی فاکولته سیگه اؤقیشگه کیردیم.

دوامی بار.

  زهرا إیشانچ                                                     

                                     ایسته لیکلریم 

   انقلاب.آغیر زمانلر باشلنگن ایدی اؤشنده.توغیلگن یورتیم سرپلدن شبرغانگه   کؤچیب کیلدیک.باشقه لر قطاری بیزنی هم بو آسایشته شهر اؤزی بغریگه آلدی.   اؤن إیککینچی صنفنی بیتتیرسم-ده،اؤقیشنی دوام ایتتریشگه امکان بؤلمه دی.     بیر یریم أیلچه تفحصاتده محاسب بؤلیب إیشگه کیردیم.یازنینگ قیزیگن کونلری ایدی. همشه گیدیک، توشلیک قیلگنی إیشخانه دن اویگه باریب کیلدیم.شعبه گه    کیریشیم بیلن اؤرتاقلریم(دوگانه)مینی تبریک لشه باشله دیلر.اؤزیم هم بیلمه دیم  گپ نیمه حقده باره یاتگنینی.

- نیمه نی تبریکله ی سیزلر اؤزی،- دیه سؤره دیم اولردن.

- سوینچی بیرسنگ ائته میز،- دییشدی دوگانه لریم.

- خوب،- دیدیم اولرگه.

- سیزلرگه بورس کیلیبدی،- دییدی دوگانه لریمدن بیری.

اوّلیگه اؤرتاغیم  نینگ سؤزیگه إیشانمی.

- هزیلله شمه دیدیم،- هیجان باسگن بیرحالتده.

بو گپ راست بؤلیب چیقدی،جوده سیویندیم.بو خبر مین اوچون کوتیلمه گن    ینگیلیک بؤلدی. چیت ایلگه  باریب اؤقیب کیلیشنی کیم هم إیسته میدی،- دییسیز.بورسگه کیتیش اوچون تیارگرلیکلرنی کؤره باشله دیک. شبرغاندن مزارشریفگچه ییتیب باریش نینگ اؤزی باشنی کونده گه قؤییش بیلن برابر.     تیمورکده هرکون اوغانلریؤل تؤسیب سرویسلرنی، کتته یوک موترلرینی         یاندیریشه دی. قنچه- قنچه آدملربو آره ده نابود بؤلیب کیتگنلر.سرویسده سفر  قیلیش نینگ علاجی بؤلمه دی. آخری شبرغاندن کابلگه اوچیب کیتدیک.        کابلگه ییتیب بارگچ،پولی تیخنیک انستیتوتیده جایلشدیک.مملکت نینگ باشقه ولایتلریدن هم بورسگه آلینگنلر یتیب کیلیشدی.هممه سی بؤلیب قیز-اؤغل         باله لر قیرق کیشی بؤلدیک. پولی تیخنیک یاتاقخانه سیده إیککی آی قالیب کیتدیک.شو مدتده دوسیه لرآچیلدی،وزارتخانه لرگه قتنه ب،کاغذ لر هم       تؤلدیریلدی و طبی کؤریکدن اؤتیک. بیزدوگانه لر جمع بؤلیشیب، آنده-سانده      شهرگه چیقب توراردیک.کابل دیک گاوجوم شهرده اعیالر-قیز باله لرنینگ              یوریش –توریش لری ملال.شهر باله لرینینگ قیزلرگه تیگه جاغلیگی،شوملیگی    وگپ آتیشلری حقیده یاتاقخانه ده قیزلر آره سیده گورینگ بؤلردی. بیر کونی اؤرتاقلریمیز بیلن شهر ائله نیشگه چیقدیک.دوکانلر آلدیدن اؤته یاتیب               کوتیلمه گن واقعه گه دوچ کیلدیک.نی تیل بیلن ائتی که، اؤرتاغیم شاه صنم     قاپقانگه توشگندیک کیله پؤچاغیگه تایب أیقیلدی. وضعیتنی تماشاه قیلیب       تورگن باله لر قیت-قیتله شیب کولیشدیلر. کابل کؤچه لریده اؤرسلر نظارت     پستلری قوریب،تانکلر،قوراللی ساقچیلرواسطه سیده شهرنی حمایه قیلیب توریشر،حزبیلربؤلسه،کابل چهارراه لرده اؤتگن- قیتگنلردن حجّت سؤره ب        تلاشی قیلیب اؤتیرگن کونلرایدی.ایریم أیگیتلرنی جیغیلله تیب موترلرگه باسیب  جبهه لرگه جؤنه تردی.اوروش ماجرالرگه قره می، آدملراؤزکونده لیک                  إیش- یومیشلری بیلن بند ایدی. پایتختده حیات موج اوره دی.آخری شورویگه اؤقیشگه کیتر بؤلدیک.1982 -إینچی أیلی ،أیگیرمنچی میزان پنجشنبه کونی        کابل خلق ارا طیاره قؤنلغه سیدن اوچه یاتگن آنلرده،کیم نینگ قیسی        جمهوریتگه اوچییب کیتیشی اعلان قیلیندی.مینی اؤزبیکستان آب-دانه سی    تارتگن ایکن.دوامنی کیلگن جاییدن اؤقیب بارینگ.    

 ۲۰۰۹/۰۱/۲۵

 کانادا